Teithiau Hen Eglwys Plwyf Llangar

Mae gwreiddiau Llangar ar goll yn niwl amser. 

Ond fe wyddom fod man addoli’n sefyll yma yn yr oesoedd canol. Ymhlith trysorau cudd Cymru, mae’n ysblennydd o arunig uwchben Afon Dyfrdwy. Ond beth sydd mor werthfawr amdano?

Fel Capel y Rug gerllaw, prin y mae Llangar yn awgrymu’r hyn sydd y tu mewn iddo.

Mae ei du allan plaen yn cuddio tu mewn disglair wedi’i addurno â murluniau ysblennydd o’r 14eg a’r 15fed ganrif a ddatgelwyd yn ystod gwaith adfer, yn cyfleu popeth o sgerbwd yn cario gwaywffon i’r Saith Bechod Marwol. Gallwch hefyd edmygu’r hen drawstiau, oriel y clerwyr, seddau caeedig coeth a bedyddfaen carreg. 

Teithiau ar gael am 2pm ar:

Sul 15 Meh, Sad 12 Gorff &  Sul 17 Awst

Teithiau ar gael am 11am / 2pm ar:

Sad 26 Gorff &  Sul 27 Gorff

*Bydd yr hanesydd Richard Suggett yn darparu teithiau tywys o amgylch yr eglwys ar 26 a 27 Gorffennaf am 11am a 2pm. Mae hwn yn ddigwyddiad trwy bartneriaeth Cadw a Chomisiwn Brenhinol Henebion Cymru.

Archebwch docynnau ar-lein ymlaen llaw (ni fydd tocynnau ar gael i'w prynu wrth gyrraedd).